Benvignûts tal sît dal comun di for disot

Sup. Kmq.93,54 - 776 metris s.l.m.

Situât sutun teren in plan (ma il rest dal teritori comunâl al è montan), for disot, al à un aspiet moderni, di fat al è stât tornât a fâ sù dopo la cuasi complete distruzion dal 1944, cuant che il paîs al è stât brusât pe vendete naziste inte vuere partigjane, ma al à ancje une lontane origjine romane, come che a son testemonis i nons dai lûcs e lis monedis e lis tombis che a son stadis cjatadis.
Sui mûrs di cualchi cjase si puedin però viodi ancjemò lis pituris devozionâls dal Sietcent di Francesco Colussi. A son carateristichis dal paîs lis fontanis dal Votcent di Tredul (1843), Baselie e Vîc (dal 1840 ca.) che a son tra chês plui bielis de Cjargne. La glesie parochiâl a ten di cont une impuartante statue di len di Domenico da Tolmezzo, ma il monument plui rimarchevul al è la glesiute votive di San Laurinç, apene fûr dal paîs. I afrescs che la vistissin (par esempi i Dotôrs de Glesie, l’Anunciazion, il Martiri di San Laurinç) a son un dai moments plui alts de art di Gianfrancesco da Tolmezzo (1942), un cjantestoriis di paîs cuntune vene poetiche vivarose.
(test gjavât di Guida Storico Artistica Naturalistica del Friuli Venezia Giulia, Bruno Fachin Editore)